Am measg nan sàr-thagraichean, tha Àrd-sgoil Gheàrrloch, Sgoil an Taobh Siar agus Àrd-sgoil Phort Rìgh air an ainmneachadh air a’ gheàrr-liosta ann an dà dhiofar roinn, a’ sealltainn cho dealasach agus dìcheallach ’s a tha fiolmaidearan òga anns na sgìrean sin. Gu sònraichte, tha buidheann Chomunn na Gàidhlig às Na Hearadh air a’ gheàrr liosta ann an trì roinnean leis an dreach èibhinn a chuir iad air an t-sreath telebhisein ainmeil “The Voice”.
Seo na buidhnean, sgoiltean agus sgoilearan a tha air a’ gheàrr-liosta às na h-Eileanan an Iar (fo aois 18):
Film Aithriseach as Fheàrr
- Na fònaichean tha sin..! Tràilleachd nam Fònaichean - Sgoil Lìonacleit
- FORSAN - Rosa O’Halloran
Comadaidh as Fheàrr
- Dè nì sinn? - Sgoil an Taobh Siar
- An Guth - CnaG Na Hearadh
Sgioba Òg as Fheàrr
- Muncaidh Bhreascleit - Sgoil Bhreascleit
- An Guth - CnaG Na Hearadh
Cumhachd na Gàidhlig
- Nuair a bha mi Òg - Sgoil Uibhist a Tuath
- Am Plana Gaoideach - Sgoil Bhàgh a’ Chaisteil
- Dè nì sinn? - Sgoil an Taobh Siar
Cluich as Fheàrr
- Emily King - An Guth
Thuirt an Comhairliche Pòl Finnegan, Cathraiche Comataidh Foghlaim, Spòrs agus Sheirbheisean Chloinne aig Comhairle nan Eilean Siar:
“Tha iad uile air a bhith air leth soirbheachail a bhith a’ ruighinn an ìre seo den chò-fharpais. Tha seo a-rithist a’ dearbhadh an obair ionmholta a tha a’ dol air adhart anns na sgoiltean agus na coimhearsnachdan againn. Chaidh oidhirp mhòr a-steach gus na filmichean seo a thoirt gu buil agus tha mi a’ guidhe gach soirbheachas do gach sgoil, sgoilear agus buidheann.”
Thèid an fheadhainn a bhuannaich ainmeachadh aig Cuirm Duaisean FilmG aig an SEC ann an Glaschu air Dihaoine 7mh den Mhàrt 2025. Faodaidh sibh coimhead air na filmichean uile aig filmg.
